ئیمارات شاخێکی بەفر لە سەھۆلەکانی باکورەوە دێنە کەنارەکانی دووبەی
ھەرکی نێت- ھەمەرەنگ
پێگه‌ى (Arabian Business) بڵاويكرده‌وه، ميرنشينه يه‌كگرتووه‌كانى عه‌ره‌ب (ئيمارات) به نيازه شاخێكى به‌سته‌ڵه‌كى له جه‌مسه‌رى باشوورى گۆى زه‌وييه‌وه بگوازێته‌وه بۆ كه‌ناراوێكى وڵاته‌كه‌ى.
ئه‌و شاخه به‌سته‌ڵه‌كييه ده‌بێته سه‌رچاوه‌يه‌كى گرنگ بۆ ئاوى سازگار و كه‌شوهه‌وا رێكده‌خات و رێژه‌ى باران بارين له ناوچه‌كه‌دا زياد ده‌كات.
خاوه‌نانى پرۆژه‌كه ده‌ڵێن، گواستنه‌وه‌ى ئه‌و شاخه به‌سته‌ڵه‌كه, گۆڕانكارى گه‌وره له ره‌وشى كه‌شوهه‌واى ناوچه‌كه ده‌كات و ته‌نانه‌ت ده‌بێته هۆى كه‌مبوونه‌وه‌ى رێژه‌ى خوێى كه‌نداو و گێڕانه‌وه‌ى هاوسه‌نگى ژينگه‌يى بۆ ئاواى ده‌ريا له سنوورى ئيمارات.
هه‌روه‌ها پرۆژه‌كه ده‌بێته سه‌رچاوه‌ى راكێشانى گه‌شتيارى زۆرتر بۆ ئيمارات.
رووپۆشى به‌سته‌ڵه‌كى له جه‌مسه‌رى باشوورى زه‌وى به يه‌كێك له گه‌نجينه‌كانى ئاوى سازگار له‌سه‌ر رووى زه‌وى هه‌ژمار ده‌كرێت و به شێوه‌يه‌كى رێژه‌يى هه‌ر شاخێكى به‌سته‌ڵه‌كى 90 مليۆن ته‌ن ئاوى له خۆگرتووه.
No comments