ڕێگای نێوان ھەولێر و دھۆك داخرا

ھەركی نێت - ھەواڵ

بەهۆى باران بارین و لافاوەوە ماوەى سێ کاتژمێرە ڕێگاى سەرەکى هەولێر و دهۆک داخراوە و هەتا ئێستاش نەکراوەتەوە.

 ئەمڕۆ هەینى بەهۆى زۆرى باران بارین و لافاوەوە پردى چەمە لە قەزاى بەردەڕەش کە دەکەوێنە سەر ڕێگاى سەرەکى هەولێر و دهۆکە بۆ ماوەى سێ کاتژمێرە داخراوە و هەتا ئێستاش نەکراوەتەوە.

بەهۆى داخرانى ڕێگاى هەولێر –دهۆکەوە چەندین ئۆتۆمبیل گیرییان خواردووە و دامودەزگاکان لە هەوڵى بەردەوامدان بۆ ئەوەى ئەو ڕێگایە کە داخراوە بکرێتەوە.

هاوکات بەڕێوەبەرایەتى هاتوچۆى بەردەڕەش داواى لە هاوڵاتیان کرد، هاتوچۆ لەو ڕێگایەوە نەکەن هەتا ئاستى ئاوەکە کەم دەبێتەوە و ڕێگاکە ئاسایى دەبێتەوە بۆ هاتوچۆى ئۆتۆمبیل.

ئەوەش لەکاتێکدایە پردى چەمە کە هێشتا تەواو نەبووە و بەڵام ماوەى دوو مانگە کراوەتەوە و هەولێر و دهۆک بەیەکەوە دەبەستێتەوە.