وەزارەتی دارایی و ئابووری ڕاگەێنراوێک بلاو دەکاتەوە

ھەرکی نێت- ھەوال

وەزارەتی دارایی و ئابووری داوای لە سەرجەم وەزارەتەکان کردووە بەزووترین کات لیستی مووچەی مانگی (٣)ی ساڵی (٢٠١٧)، ڕەوانەی بەڕێوەبەرایەتی گەنجینەکان بکەن.

وەزارەتی دارایی و ئابووری حکومەتى هەرێمى کوردستان ئەمڕۆ ٢٩ى نیسان ڕایگەیاند، داوا لە فەرمانگە و دام و دەزگاکانی وەزارەتەکانی حکومەتی ھەرێم دەکات، کە بەزووترین کات لیستی مووچەی مانگی (٣)ی ساڵی (٢٠١٧) ڕەوانەی بەڕێوەبەرایەتی گەنجیەکان بکەن، بە مەبەستی وردبینی کردن و ئامادەکردنیان.

ئەمەش لە کاتێکدایە تا ئێستا دابەشکردنى موچەى مانگى دوو کۆتایی نەهاتووە و سبەینێ موچەى مانگى دووى چەند دامەزراوەیەک دابەشکرێت.

سبەى موچەى وەزارەتی داد و ئەنجومەنی دادوەری و  سەرۆکایەتی ھەرێم و سەرۆکایەتی پەرلەمان و سەرۆکایەتی ئەنجومەنی وەزیران و بەڕێوەبەرایەتی ڕاگەیاندن و پەیوەندیەکان دابەشدەکرێت.